قدري اني احبك
ـــــــــــــــــــــــــــــــــــــــــــــــــــــــــ
هقولها بحبك بصوتي الجهير
هقولها وياريت يسمعوها كتير
بحبك ودايما عليك بغير
بحبك وحبك من ملاده كبير
يا شاغله الخيال والفؤاد والضمير
بحبك يا غنوه يقولوها الطيور
بحبك يا حرف اتفرض ع السطور
بحبك يا نجمه تنور لى ليلي
بحبك وقلبك بيسرح ف غيري
ولو جيت اصرّخ او ابعد اتوه
ولو فاتني قلبي معاك يلاقوه
بحبك صبوره وبحبك غيوره
واحب إني اشوفك قمر كل صوره
يا قلب اللي دافي
يا نبع التصافي
اخاف لو تخافي
واحبك جسوره ,,,,,
بقلمي / ابراهيم فهمي المحامي
16/7/2017
ليست هناك تعليقات:
إرسال تعليق