متخافيش ع الذكريات ...كلمات الشاعر / عادل عبدالرازق

ما تخافيش عالذكريات
-------------------
ما تخافيش عالذكريات
ما تخافيش عاللي فات
جايز تكون دبلت ورود
جايز تكون ضاعت ورود
أو إننا بينا جحود
ولا حسيًناش طعم السكات
لكن ياريتك ما تخافيش
ما تخافيش عالذكريات
يمكن محيتي حروف كلامي
يمكن كسيتي قلبي بضلامي
ولا حستيش ندمي وآلامي
لمً انتهت بينا الساعات
وانجرحت وما حستيش
ما تخافيش عالذكريات
مهما يكون مش راح اتكلًم
وحاداري ف جرحي وأتألًم
وحعيش العمر وحاتعلًم
لكن مش حاجرح أي سكات
ما تخافيش عالذكريات
ما تخافيش عاللي فات
سرًك جوًة في قلبي
لا كأنه عاش ولا مات
ما تخافيش
ماتخافيش عالذكريات
***
شعر / عادل عبد الرازق
مرسلة بواسطة عادل عبد الرازق