اصادف ضحكة علي أدي .... كلمات الشاعر المبدع / فهمي علي

و لما الصبح كان طيب 
و فاتح بالرضا بابه 
بيلمس ف العيون بشويش 
فكل الخلق اصحابه 
انا كان قلبى لسه اخضر 
و حاضن كل احبابه 
بقينا ازاى كدا شروة 
ف سوق فاجر ملان اوجاع 
رخيص السعر و بنرضى
و حتى بدون تمن نتباع 
خلاص دارت بنا الدنيا 
و ركب الهم مشاعرنا
و بيطول الالم فينا 
و لا فى حد شاعرنا 
يا ايام البكى فوتى 
و عدى زى ما تعدى 
يجوز شجر الضنا يدبل 
و اصادف ضحكة على ادى 
#فهمى_على