جزء أول من قصيدة/ المسألة من ديوان ولسه بحلم بفجر للشاعر مصطفى فريد

جزء أول من قصيدة/ المسألة
من ديوان ولسه بحلم بفجر
للشاعر مصطفى فريد

المسألة مش معضله
ولا عايزه حاوى يقول جلا
ولا محتاجين للمنقله
ترسم زوايا الهرجله

قوم بس حى على الصلا
واسجد لربك فى الخلا
وكفايه رقص ومهزله
يا أمة خلقت للعلا

قدام عنينا اللى انصلى
فى النار وروحة مسلسله
والبنت أم المريله
عدموها من غير محكمة

والدم فوق المقصله
بإيدين يهود متأصلة
فيها الخيانة المخجلة
ردد حروف البسمله