يا خسارة ... كلمات الشاعر / محمد حجاج

ياخسارة عمرى اللى راح
يا خسارة سنين الكفاح
سنين ما كنت برتاح
ولاأشوف فبها براح
ياخسارة العمر اللى راح
حرمت نفسى م الأفراح
لما شفتك حبيتك 
دللتك ..وناجيتك
حبيتك واديتك عمرى
شقيت وكبرتك
ضاع شبابى 
لاجل ما ترتاح
وما ف يوم حرمتك
والدلال دللتك
والعلم علمتك
قلت هتكبر وتشيل همى
وشقيت لراحتك
شقيت لاجل ماترتاح
كبرت جوزتك
ما حافظت على عشك
طار منك وليفك
وعلى وعليك جار
وكل ما تكبر
تتخبط ف الأفكار
والفكر فيك أحتار
لما حته منى
تشرد عنى
أشكى لمين همى
يامحيرنى ليل ونهار
غبت عنى
واشتاق قلبى ليك
رجعت زودت همى
وبرضه بدعى لك
يلطف بيك الجبار
وف يوم ما هتلاقينى
هتندم وتدوق المرار
بقلم: محمد حجاج