يا واش يا واش ....كلمات الشاعر / محمد حجاج

ياواش....ياواش
اللحمه علينا حرموها 
وبدلوها بلحم الحمير
قلنا : ماتلزمناش
الفراخ غليت قلنا بلاش
السمك راخر قلنا ميهمناش
الخضار هقوله :بلاش
طب والعيش راخر بلاش
ياناس إرحموا ومتقتلوناش
إزاى هنعيش 
ف بلد خيرها ليها مبقاش
زيت ..سكر..رز.. متلقاش
اللى بنكله مايشبعناش
الجوع قرصنا
والعيان مش 
لاقى حتى الشاش
وإن إتكلمنا ميقلوش 
غير خونه أوباش
الحافى على دمى عاش
ركب الكتاف 
والكل بقى غشاش
والحكومه غلت علينا
كل حاجه 
وخير بلدنا عنا إنحاش
والكبار عايشين ببلاش
وسبونا للنهاش 
اللى من لحمنا ينهش 
والكل بقى نتاش
ياواش....ياواش
مش عايش غير البكاش
بقلم : محمد حجاج