مفتتح بسيط .لايتعدي سطرين.
قلبي زي كفني . ميسكنوش اتنين
وحبي زي موتي. ميتكررش مرتين
دخول بسم الهادي المبين
...
قبل الرحيل بخطوتين
والدمع بيتمخطر ع خد العين
والقمر نازل ينعي من السماا
ولساني رح يسأل عقلي
يا ترى الهيمان على فين ،؟
...
قبل الفراق بدمعتين
وآخر نقطه من تفويلة الحنين
قلبي على شباك صدري بيبكي
وسواد الليل بنمشه اترسم
سحابة مطر ع جفن العين
...
انسان حزين . بألم وأنين
عايش حياته في كوكبين
كوكب الجرح الجدع . كوكب الالم والوجع
في مجرة العشق الحزين
ريح بتراب الوجع . راح تجيب الفزع
وقلبي لو بحنينه يقدر
كان صد الريح المتين
...
ثم اما بعد :
وسط روايات العشق
انا وانتي رواية بُعد
ثم اما بعد :
وسط حنين المطر ع الزرعه
انا وانتي صرخه م رعد
ثم اما بعد :
وسط قلوب عااااشقه
قلبك دا خان الوعد
فين العهد !
ليه البُعد !
...
آاااه منك يا جبروتك !
صوتي اتنبح من الوجع
ولسه الضحكه في صوتك
يا جبروتك !
محمود ابراهيم عماشه
ليست هناك تعليقات:
إرسال تعليق