السبت، 11 نوفمبر 2017

عصفور بيلاغى مراته....بقلم الشاعر حسن الشوان

___ عصفور بيلاغي مراته __________
أصحي علي أجمل الأصوات
عصفور بيلاغي مراته
ندهت عليه مرات ومرات
طار وخد معاه مراته
كتبت له تلت كلمات
قراهم وقالهم لمراته
لقيتهم يوم التلات
بينادوا عليا بأسمي
رديت عليهم السّلام
رمولي ورقة بأسمي
خدتها وفتحتها أوام
قبل ما أتلهي في همي
لقيت فيها أجمل كلام
قريته علي قد فهمي
البدايه بنقولك سلام
انا ومراتي وقومي
يا بني أدم أذكر الله
وإيه نساوي في أحجامكم
كل واحد له حياه
بس الحياه عندنا نحب بعض
والدنيا متساويش بذره
أما عندكم اشتكت منكم الأرض
ومبقاش من الرحمه ذره
وغرور السلطه جواكم مرض
ونسيتم كمان الأخرة
منحكم الله العقول والصبر
وبلاش تحسدونا بالمره
سيبونا نعيش على الشجر
وبنتفرج عليكم في اليوم الف مره
ًّ_________________________________
_______ الشاعر حسن الشوان ___

ليست هناك تعليقات:

إرسال تعليق

المتابعون