الدم سال..شعر عامي...الهام شرف

ربع الأصول يبكي على الدم اللي سال
بيقول عليه رايح هدر
يمكن عدوي اللي غدر
يمكن كمان نصبه حبيب
أو كان حبيب
راح كام شهيد
جوه المساجد في العلن
كان أصله ساجد
وما فيش قصاده غير علم
يا قلوب حجر
دم الشهيد مالي الكفن
رافع ايديه لربنا
يا رب أنا دافع تمن
أرضي هيحميها الوليد
اللي خلقته من عدم
شايف طريد
وايدين حديد
يارب أنا ابني اتخلق
لاجل يصون عهدي الجديد
يا أمي خللي اليوم ده عيد
واتباهي بابنك في الوطن