دق قلبي مع قلبه
وحس بحبي ليه
لكن إحساسه كان بيه كمان أكتر
وانا بسكر
وبنسى الكون وابص عليه
وفجأة بتوه في أحضانه
بلف الكون في أيامه
بحس بيه
يا إحساسي اللي تاه راجع معاه تاني
وليه الحيرة وخداني
يقربني كمان منه
واكون منه
لقيته تاه
وكنا اتنين
لكن من لحظة نصبح فيها شوق واحد وتهنا فيها عن كل اللي حوالينا لا شفنا فيها إحنا مين ورحنا فين
ما فيش جوانا غير إحساس بيتكلم
وكل الناس يشوفونا يهنونا بليلة عيد
دا حب أكيد
يا رقة صوته جوايا
ينادي إسمي بهواية
يغنيلي ويحكيلي
وعند الشكوى يقلبها
فبسمع منه أحلى رواية
وتعلى ضحكتي وياه
يا محلى لسانه قال ...الله
ويفرد لي كمان كفه
فبلمسها
واحس بإيدي تعزف ناي على إيده
فيحسن قلبي قولة آه
يا موج نساي
تعال وخدني في بحرك
أنا عايشة هنا بأمرك
أنا صورتي ملامح لونها من صورتك
أنا بهواك
يا حلم أكيد بيرسملي خطاوي الشوق
ما فيش الا انت بحكي معاه
ما فيش الا انت تسقيني وترويني
وساكن إنت جوه عيوني ما بسلاه
بحس معاك كإني ملاك نزل عالأرض
بحس بروحي وانا وياك تشق الأرض
بحس بروحك الحلوة بتلمحني بلون الورد
بحس كأنها بستان
يوزع ريحه عالخلان
بحس بغنوتي حلوة
بحسك لحن صوته جميل وناس بتميل
بحسك غصن يحضن طير بيلجأ له في عز البرد
بحس ف نظرة بعيونك تقولي يا حلوتي بشتاق
أبص هناك واكون شايفاك
أبص وسارحة في ملامحك
والاقي نفسي بسمحلك
أكون وياك
والاقيني في حضن ملاك
وشىء أجمل يصحيني
يا نور عيني
دا روحي فداااك..
واشوف عين اللي حوالية
ألاقي فيها حنية
واشوف حسادي لمحوني
عوازل بس باركولي
لدبلة حلوة بإيدية
وتاج على راسي فيه صورتك
عريس تايه في أحلى حورية
ليست هناك تعليقات:
إرسال تعليق