الخوف..شعر عامية ...الهام شرف

دربي أنا مش درب خوف
عمال بيضرب عالدفوف
دربي أنا ف كل الحروف
بتهز شىء في قوتي
وعزيمة تسكن في الألوف
بقوا مؤمنين بقضيتي
شايفاني ساكنة ف وسط غابة
ما فيهاش أسود فيها الديابة
مترصدة 
ما لهاش بيبان لكن يبان فيها الضحية
أنا مش قوية
لكني هايمة ف سكتي
واللي يفكر يوم يقولي
عالخوف برد بكل قوة
أنا مش بخاف 
الخوف بشر بقلوب حجر
الخوف عليك 
لو حتى ييجي الدور عليه
أنا مش هغمض يوم عنيه
وهروح شهيد
الصورة باينة ووضوح شديد
عايزاك تنادي ف كل حارة
عايزاك تقول للناس أمارة
فيها الإشارة
إن انتصارنا ف يوم قريب
والموت علامة
ما هي ناس تروح عشان نعيش
أهو أكل عيش
شايفه السما متعكره
وعنينا تايهه في قنطرة
وبتجي ناس بتقول خلاص
وانا مش كده
جوايا صرخة بألف صوت
أفضل لى إني أروح اموت
بدل ما اعيش متقيدة
واللي معايا يقول آمين
ومش هحس بوحدتي
أنا مش لوحدي ف سكتي
بقلمي//الهام شرف