جريدة القلم الفصيح

قصيدة  ** احتفال **
للشاعر /محمود ابراهيم عماشه
مفتتح
بسم الذي قال في قرآنه .. وكفى بربك هادياً ونصيرا
بسم الذي اتقن ف خلقه .. وكان بقلوب عباده بصيرا
اليـك امري خيره وشره .. انت المدبر وتحسن التدبيرا

دخول

قبل البدايه بسطرين
ودمعه تملا ضي العين
شايف دموع لقلوب نجاح
دموع فلاح
..
قبل البدايه بسطرين
شايف للجهل سحاب غيوم
سجن الفشل بطل مسموم
واحنا بنجاحنا تملي نواسي
اللي غاب وللعلام محروم
..
ومنين ابدأ كلام
والعلم نور لأي طريق
العلم ماية سلام
تخمد للجهل ألف حريق
..
ثانويه شغل مفيش جديد
مفيش جديد
علي الكتاب حبة خطوط
وحاله عامه من الضغوط
هي دي رواية ثانويه
كل احداثها الم وهبوط
مفيش جديد
كل حياتنا بشوية شروط
زاكر كتير .. راجع كتير
ركز كتير .. وقت خطير
وجوانا بركان سكوت
وان وقعت او نخيت
يلا اشهد  .. رح تموت
..
ونرجع نقول كلام زمان
فاضل علي الحلم خطوه
طريق تعب .. حبة صداع
حبة ندم على وقت ضاع
طريق تعب .. حبة سكات
فاضل على الحلم تكه
حلمك شمعه بأحضانك تأيد
ودايما نقول وتملي نعيد
داري بلالين احلامك
عن دبابيس الناس
الكل في الفرح ما جالك
والحزن عليك متقاس
..
يوم جميل  .. يوم تكريم
يوم الام  ... وخمسين تعظيم
#امي
ف بحر الحنان حضنك
بحس يا امي بوجودي
على شط الامان قلبك
بشب ويتفرد عودي
على كل ورده لقيت اسمك
ومنين تكفيكي ورودي
..
صورتك جوه ضلوع عيني
شايله هم احزاني
طايره بكل احلامي
بأحضانك بتحميني
تقويني
..
في يوم ميلادك
اتمنى اعيش ضعف السنين
وابدر عمري بكل حنين
طريق من حب قدامك
طريق من حب قدامك

كلماتي
#محمود_ابراهيم_عماشه