جريدة القلم الفصيح

نص (سَكَرَات وَرَق )
للشاعره / شيماء علي كامل

شَدِّت إيديَّا وقالتلي ضُمِّيني
جَايز أدَوق الدَفَي
لو صِرت بين كَفِّك
البرد بِيموِّت بالله تِنجِّيني
دا أنا فيَّا من وصَفك
كان كفِّي كُلُه دموع
من عَصرِت المنديل
لمَّا بَكيت فــ الليل من قَسوة المسافات
صِعبت عليَّا فــ لاَعبتهَا بــ خَدِّي

سألتني
 كُل يوم بِتفوتي من جَمبِي
والدَمعَه فــ عنيكي ؟
كان نِفسي أحكيلها
مَلقيتش عَندي كلام غير إني أبُصَّلها
 ف إديتلها قلبي تِقرا السطور جوَّاه
كُل الحروف ماتت
ماشافِتش غير حَرفين إتجسدوا فـــ الأه
بين السطور كان فيه
الغدر من أشخاص
والطِيبَه مَقتوله مَضروبه من قنّاص
جاني بإسم الحُب
ماملاني غير بــ رصاص

إتبدِّلت لادوار
دفيتنى هيّ فــ حُضنها
أخَدت زَفير الوجع
إدتني رَيَحانها
سور الجِنينه بتشوفوا سجَّانها
 ف قالتلي لو تِسمَحي
ياوردة البُستَان
إقُطُفى جسمي التعيس
هَمتَص كُل الألم وهبدِّل الأحزان
إزرعي جذري على خَدِّك الباكي
انا كُل مرَّه بَفوت
الورده تِندَهلي

هَدِّي ياست الحُسن
 وخُديني ويَّاكي

#شيماء _ علي
*البحيره*