يا جنية...شعر عامية...الهام شرف

عشان فاكر يا جنية
حنين مسموح
بكام قنطار
وقلبي والله قايد نار
عشان عارف أنا قيمتك
وقفت أنادي ليل ونهار
وما سمعتيش
يا جنية أنا عاشقك
ويبكي الحال على ايديكي
أكون ليكي
في وقت ضياع
تفوتيني واعيش وحدي
وبسأل حتى عاللي باع
تدليني
ومين غيرك أنا عارف
ومش شايف
في ضل عنيكي غير غدار
بيحييني
يموت فيكي
في حضن ايديكي إنسية
تجود ليه
تعيش فيه
خداع طبعك بقى ضلة
بتحويني
تنسيني
والاقي نفسي صدقتك
وافوق ألاقيني قدامك
نسيت عالم بيطويني
يوديني
في علم الغيب
أتوب عنك ؟
ما بقدرش
خلاص منك أنا مني ...بقيت
خلاص هارحل أنا.... مليت
خلاص الضحكة فارقتني
ومن بعدك هعيش بعدك
عيون تبكي على امبارح
وعن بكره هكون سارح
ولما الحلم يسألني
هرد بكلمة مش دارجة على لساني
ندمت اني في يوم حبيت