كنت حاسس
******
كنت حاسس ان عمر هوانا قصير
كنت حاسس ان اضمك دة مستحيل
ومات جوايه حتى التمنى
فقدت بيكى حته منى
ولقتنى غصب عنى
بادى مشوارى الطويل
كنت حاسس انك حلم صعب المنال
كنت حاسس ومرديتش على السؤال
كنت اشوفك مقدرش افرح
فى عينيكى جايز اسرح
لكن اسكنهم وامرح
كان دة شيئ مستحيل
نفسى اقولك يا حبيبتى
نفسى اقولك ان انتى
غلبتى فيه كل الشعور
قلبى كان ارض بور
لكن القدر صدمنى
منك فجأة حرمنى
كنت حاسس انك هاتكونى ذكرى
كنت حاسس انك غايبه فى بكره
انك خاطرة بفكرى ساعه
انك للمشاعر فكره
بقلمى / حاتم صلاح
ليست هناك تعليقات:
إرسال تعليق