خلاص يا قلبى
من ديوان/ أفتكرلك إيه
للشاعر/ مصطفى فريد
مادام النور فى شمعتنا
بقى لغيرنا مش لينا
لا دمع الحزن هيفيدنا
ولا عتابنا هيشفينا
مادام الدنيا خصمتنا
مافيش حاجه هترضينا
يا قلبى الفكر كبرنا
وخط الحزن فى عنينا
رسم بالحب مشوارنا
وتاهت بينا خطاوينا
عذاب الغربة غيرنا
وغير أحلى مافينا
لا فرح الدنيا فرحنا
ولا الأحزان بتكفينا
وضاعت منا احلامنا
فى لحظة ضعف ونسينا
نفكر فى مشاعرنا
وأيامنا وماضينا
وبين الكبر وعنادنا
خسرنا الحب بإيدينا
وعشنا قد ماعشنا
كأن لا رحنا ولا جينا
ليست هناك تعليقات:
إرسال تعليق