مين قالك
*******
ومين قالك انى متزلزل
ليكون لفراقك عندى توابع
مين قالك انى باكى
وسكنت روحى المواجع
متحسبيش انى بفوت
على الذكرى بالمواضع
ولا فى ساعاتى الطويله
صدى صوتك وحده سامع
ولليلى مش كله سهد
متفاتة فيه الضاجع
مين قالك انى فؤادى
مستنى يوم انت راجع
مين قالك ان عنادى
مدارى على جفن دامع
ولا كنتى كونى ابدا
ولا شمس سمايا ساطع
من يومى ناوى ابدا
ميعودش حب ضايع
واى كلام كله كلام
مش هاشوفك ولا بمنام
ولا فى الاحلام غرام
ولا بينى وبين حبك سلام
مين قالك انى ناوى
اخدك طبيب مداوى
والجرح اصله منك
والبعد جاى منك
خلاص معاكى فات ميعادى
ونوايت اعلن حدادفؤادى
واوارى عمرى كلة
وابنى ضريح شاهدة سهادى
بقلمى /
ليست هناك تعليقات:
إرسال تعليق