إياك تنسى
حبيبى إياك تنسى
او يوم تهجر وتأسى
وتخلينى ادوب بشوقى
وحنينى وتفكر تنسانى
انا ولهانه بيك وعيونى
متعرفش الا عيونك . بقربك
انت حبيبى امانى
روحى عايشه بيك وليك
ياكل حبى وأجمل احلامى
بحبك ايوه بحبك وعايشه
بيك وليك بقولها بأعلى صوتى
بقولها لكل الدنيا انت حبيبى
كمان نطقها قلبى قبل لسانى
بحبك ومعاك الدنيا مش سيعانى
حتى الليل بيعدى زى الثوانى
أتمنيتك لحد مالاقيتك باحضانى
لكن ياترى بتتمنانى ولا حد تانى
سرق قلبك شاركني حبك ورضيت جراحى
صحيح الحب وجع وعذاب وسهد وسهر الليالي
لما حبيبى يغيب ولايروح لحظه عن بالى
حبك شغل بالى . إياك تنساني
بحبك حب فوق الوصف والخيال
غيرى محدش يعرف يحبة تانى
حب ملك روحى وكل كيانى
انت انت عايش جوه وجدانى
انت انت بلسم آهاتى وكل حياتى
بعشقك وعشقك بيجرى بشريانى
قبل حبك والهنا بقربك كنت
مرتاحه وقلبى وبالى خالى
معرفش فين عايشه بالسما ولا الارض
زى العصافير بحلق واطير واغنى
وعرفت نفسى والحب بقربك
اخدت قرارى انك حبيبى واختيارى
الفيوم فى 4/10/2018
فتحى طنطاوى
منتهي الابداع سلم نبض قلمك
ردحذف