إخوال
قولت لنفسي ف يوم
يا واد دا إنت كتبت عن الحب و الغرام
حتي للوطن كتبت
أصلي أنا في حب الوطن غرمان
عاشق ولهان
وليه عند الشدة أسهر سهران
قولت إزاي كتبت للكل
و للأخوال ماكتبت كلمة ولا حتى سلام
وأنا مش خسيس
والأصل في دمي شريان
والكبار قالو
يا واد قوم للخال
دا مقامه غالي
يكفيه إن دمه من دم ست الأحباب
ومتخلقش لنفسك أعزار
لازم تسأل عنه حتى ولو بإشارة
أو حتي جواب..
متزعلش مني يا خال
بس هي ضيقه
في الحال
علشان مبسألش
بس إن شاء الله يتغير الحال
وأبعتلك الف سلام
كلامي مش أي كلام
ولا بطبطب
لاء كل العباره
إنك يا خال تاج فوق الراس
ومقامك عالي
ومن الأدب إني أديك حقك
حتى إن كنت بين الأحزان تعبان
الكاتب عبدالرحيم الهيكي
ليست هناك تعليقات:
إرسال تعليق