حوار بين ضمير وشيطان
،،،،،،،،،،،،،،،،،،،،،،،،،،،،،،،
ـ بتضحك على نفسك ولا بتضحك عليا ؟
ــ بضحك عليكم انتم الاتنين
ــ وكده راضي عن نفسك ؟
ــ وايه المشكلة يعني ؟ م انا زي الفل والياسمين آهو
ــ وكذبك وغشّك لنفسك قبل الآخرين وعدم احترامك لنفسك لا يعني عندك شئ ؟
ــ يا عمنا بلاش صداع بقى .. وسيبك من الشعارات اللي ملهاش لازمة دي مش بتأكل عيش وأخرتها نوم ع الرصيف
ــ طيب وأخرة اللي انت فيه ده ايه ؟ نعيم وبغددة وضمير مرتاح ؟
ــ الله يرحمه الضمير أنا خلاص قتلت حاجه جوايا كان اسمها ضمير
ــ والحق والخير والجمال المبادئ الإنسانية العظيمة اللي اتفق عليها كل الفلاسفة والحكماء والعلماء ملهاش عندك أي حساب ؟
ازاي ده ؟ لها مليون حساب ولكن بشكل مختلف .. خد عندك :
الحق : هو حقي أنا فقط في كل ما تطوله يداي أو عيناي
الخير : هو كل ما أكتسبه من نعم وما أنتزعه من فم الآخرين لأكون أنا وفقط
الجمال : هو صورتي التي أراها في المرآه كلما مررت بها
ـــ ياااااه ده انت بقيت شيطان والعياذ بالله
ــ وماله الشيطان عيبه ايه المهم ان محدش يضحك عليا أو يستغلني أو يقهرني أو يمنع عني حاجه أنا عاوزها
ــ أعوذ بالله من الشيطان الرجيم
أعوذ بالله من الشيطان الرجيم
أعوذ بالله من الشيطان الرجيم
بقلمي/ إبراهيم فهمي المحامي
ليست هناك تعليقات:
إرسال تعليق