سيجال المحبه بدأ بين المبدع الاستاذ صلاح الحداد
واخيكم الفقير الي الله رفيق فتحي ابو حسن
صلاح الحداد
رد على Rafik Abohassan الشاعر المبدع
قرش وميه ومركب
مجدافه كبير ؟
وقرش اكلته ؟
يا عم انت ف الفشر
مالكش مثيل
وطير الرخ دا م الاساطير
كمان شوفته وبتقول بيطير
العب غيرها لعبه جديدة
حوريه بعيده عايشة سعيدة
تجيلك عشه وتترك قصر كبير
........................
الرد / رفيق ابو حسن
يا عم صلاح ليه القهر
كتير عليا حتي الفشر
ايوه مركب وبحر كبير
تركب فيه ياخدك ويطير
وقرش عظيم زي الاساطير
وحوريه ف قلب البحر المالح
هاشرب منه ومالك صالح
سيبني يا عم الحج اعيش
كدبه واحده ولو ابريل
وسيبك بئه من شغلة قاضي
وانا ماشي احسن مش فاضي
الفيل انا سايبه يومين ع الناصيه
رابطه ببكره خيط ف الشجره
ايوه البكره البيضا الحمره
فاكرها ولا ناسيها يا بيه
شريها انا وانت بنص جنيه
فاكر انا وانت اشترينها ليه؟
نربط طائر من رجليه
ايوه نربط طائر الرخ
وجاي تقولي بطل جخ
ده انا ف الفشر عملت السمعه
واسأل عني حتي ابو لمعه
ههههههههه
صباحك اشطه يا حج صلاح الحداد
صلاح الحداد
افشر زى ما عاوز تفشر
بس الفشر يكون متساوى
اذا كنت مصمم خليك فاكر
الفيل من غير زلومه ياشاطر
والبكرة الى من عمك شاكر
ولا كمان منتاش فا كر
بيقولك
ودى له البكرةوخلي له اخر
قولتله رفيق واد مش ساهل
ساب المترو وركب الرخ
قلى روح انت التاني زى
صاحبك شاطرين فى الجخ
ليست هناك تعليقات:
إرسال تعليق