{{ مسكين اتخطف من وسامتها }}
:
قلبه اتخطف لصفحتها
وصاحب كل صحابها
علشان تضيفه عندها
ومن كرمها هي اضافته
وهاتك كومنتات ولايكات
لاجل تضيفوا في الشات
حتي الياهو كمان اضافته
يشوف تعليقاتها يتجنن
ولو صديق تجاوز بتعليق
يغير عليها بشدة وجنون
مع إنه لاشفها ولاشافته
ومن كتر غيرته عليها
قلبها حس بيه ويمكن حبته
طلب يسمع صوتها كلمته
وهاتك أوامر ونواهى
وانصاعت لكلامه ولشدته
والكلمه بقت هي كلمته
وطلب يوم يقابلها إتحججت
وصورتها هي ورِّتوا
إتخطف من وسامتها
وجاتله حالة زهول
وترجي ربنا تبقي قسمته
وابتدي يسرح آه لو شافته
ماهي لازم تشوف هيئته
وشافت صورته إتحسَّرت
وقلبها إتخلع لما شافته
شبه القرد تمام في خلقته
وطلعت لأعلي الجبال
تتحسّر على يوم ما عرفته
وندمت إنها يوم أضافته
:
:
16/ من/ ديسمبر / 2019
ليست هناك تعليقات:
إرسال تعليق