الولد الشقى
★★★★★
حلقات مسلسله من مغامرة ابن الريف آن ذاك وامتثال لرأى الجمهور أطلق عليها ذاك الاسم
★★★★★
حلقات مسلسله من مغامرة ابن الريف آن ذاك وامتثال لرأى الجمهور أطلق عليها ذاك الاسم
إنه فى عام ٧٣ وتحديدا قبل نصر اكتوبر بأيام قليله كان أول يوم لى فى المدرسه الابتدائى وبالطبع كانت نقله من طفل يلهو ويرتع فى حقل ابيه ، صحيح ملتزم بواجب عملى على أد سنّه المهم اول يوم يروح حاجه للتعليم يعنى خطوه بعيده ومناخ مختلف
حد هيقولى ليه هو انت ما روحتش كتاب ولا حضانه ؟ أقوله انا معرفتش حضانه دى الا لما كبرت أما عن الكتّاب قبل ما ندخل فى الموضوع اقولكم اول يوم اروح كُتاّب سيدنا الشيخ عبدالتواب لقيت فيه عيال بتجرى من سيدنا يبعت وارهم فرقة كوماندوز تجرى وراهم وتقبض عليهم وتجيبهم لسيدنا يضربهم طبعا هو لسه متعرّفش عليا روحت خالع من وراه وماورتوش وشّى من بعديها..
ومره تانيه اخواتى الكبار كانوا بيروحوا لكتاّب شيخ اسمه محمود وكان شهرته السحّار مش اسم وانما يقال إنه كان يعمل بالسحر والله اعلم المهم انا عيّل واسمع العيال رايحين كتّاب محمود السحار قالولى روح مع اخواتك مكدّبتش خبر لبست القبقاب وروحت معاهم دخلنا المكان بتاع الكتاّب قبل الشيخ بفتره ما هو كان برضو له مساعدين وفرقة الكوماندوز بيفتحوا الباب ويقعّدوا العيال ويفرشوله الفرشه المهم قالولى لما تعوز حاجه ترفع ايدك وتقول للشيخ اللى انت عاوزه
اول ما دخل الشيخ كل الهيصه والعيال اللى بتتنطط قطعوا خنس ولا سمعت صوت وترمى الابره ترن على التراب من كتر السكون والله ما كدّبت خبر أنا حسيت أن شكل الموضوع مش هيركب معايا وقاعد جنب اخواتى بقوله عاوز اروح الحمام خايفين يردوا عليا من قسوة الشيخ فمحدش رد عليّا طب والموضوع كده هيطول روحت قايم ورافع ايدى وقلت كده ، مانا معرفش قلتله بلهجتنا كاطفال البديل لعاوز اعمل حمام فقلت له انا عاوز............ يا عم يا سحّار طبعا عيّل معرفش أنه مش اسمه كده وان ده اسم من تحت الترابيزه لكونه بيعمل سحر والله اعلم علشان هى دى كانت شهرته ليطلع مظلوم المهم الراجل كان عجوز ولسه بيمسك عصايته وهيقوم يضربنى وعمال يقول بسحر لابوك ولا لامك يا ابن الكلب الاّ ولقيت نفسى جارى على الشارع واخواتى قطعوا خنس ولو حد سألهم هيقولوا منعرفوش المهم جريت وسيبت الكتّاب وطلعت لقيت طابونه عم عبدالغنى الاعمش بجوار الكتّاب وانا عاوز اعرف دول بيعملوا ايه وفى نفس الوقت مزنوق عاوز اتفك مايه وشبّاك الطابونه كان واطى المهم وانا بتفرج عليهم عملت الحمام على الشبّاك والمايه دخلت جوه الراجل لمحنى لقيته طالع ورايه جرى روحت حطّيت ديلى فى سنانى ويافكيك وروّحت ولم أرى ذلك الشيخ الله يرحمه لوقتنا هذا...
حد هيقولى ليه هو انت ما روحتش كتاب ولا حضانه ؟ أقوله انا معرفتش حضانه دى الا لما كبرت أما عن الكتّاب قبل ما ندخل فى الموضوع اقولكم اول يوم اروح كُتاّب سيدنا الشيخ عبدالتواب لقيت فيه عيال بتجرى من سيدنا يبعت وارهم فرقة كوماندوز تجرى وراهم وتقبض عليهم وتجيبهم لسيدنا يضربهم طبعا هو لسه متعرّفش عليا روحت خالع من وراه وماورتوش وشّى من بعديها..
ومره تانيه اخواتى الكبار كانوا بيروحوا لكتاّب شيخ اسمه محمود وكان شهرته السحّار مش اسم وانما يقال إنه كان يعمل بالسحر والله اعلم المهم انا عيّل واسمع العيال رايحين كتّاب محمود السحار قالولى روح مع اخواتك مكدّبتش خبر لبست القبقاب وروحت معاهم دخلنا المكان بتاع الكتاّب قبل الشيخ بفتره ما هو كان برضو له مساعدين وفرقة الكوماندوز بيفتحوا الباب ويقعّدوا العيال ويفرشوله الفرشه المهم قالولى لما تعوز حاجه ترفع ايدك وتقول للشيخ اللى انت عاوزه
اول ما دخل الشيخ كل الهيصه والعيال اللى بتتنطط قطعوا خنس ولا سمعت صوت وترمى الابره ترن على التراب من كتر السكون والله ما كدّبت خبر أنا حسيت أن شكل الموضوع مش هيركب معايا وقاعد جنب اخواتى بقوله عاوز اروح الحمام خايفين يردوا عليا من قسوة الشيخ فمحدش رد عليّا طب والموضوع كده هيطول روحت قايم ورافع ايدى وقلت كده ، مانا معرفش قلتله بلهجتنا كاطفال البديل لعاوز اعمل حمام فقلت له انا عاوز............ يا عم يا سحّار طبعا عيّل معرفش أنه مش اسمه كده وان ده اسم من تحت الترابيزه لكونه بيعمل سحر والله اعلم علشان هى دى كانت شهرته ليطلع مظلوم المهم الراجل كان عجوز ولسه بيمسك عصايته وهيقوم يضربنى وعمال يقول بسحر لابوك ولا لامك يا ابن الكلب الاّ ولقيت نفسى جارى على الشارع واخواتى قطعوا خنس ولو حد سألهم هيقولوا منعرفوش المهم جريت وسيبت الكتّاب وطلعت لقيت طابونه عم عبدالغنى الاعمش بجوار الكتّاب وانا عاوز اعرف دول بيعملوا ايه وفى نفس الوقت مزنوق عاوز اتفك مايه وشبّاك الطابونه كان واطى المهم وانا بتفرج عليهم عملت الحمام على الشبّاك والمايه دخلت جوه الراجل لمحنى لقيته طالع ورايه جرى روحت حطّيت ديلى فى سنانى ويافكيك وروّحت ولم أرى ذلك الشيخ الله يرحمه لوقتنا هذا...
علشان مطوّلش عليكم نخلّى موضوع اول يوم دراسه والدرس الذى استفدت منه حتى وقتنا هذا إلى حلقه قادمه
ومن أعطانى درس لن انساه وأصبح ركن ركين فى حياتى ولله الحمد لم اقترف مال حرام من اول يوم دراسه
والى مغامره أخرى نلتقى والسلام عليكم.....
ليست هناك تعليقات:
إرسال تعليق