المسحراتى
الحلقة ( السادسة ) الاربعاء
للشاعر/مصطفى فريد
مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين
نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين
قالوا الرفيق قبل الطريق
يكون صديق مخلص رقيق
للجار فى ضيق خليك معاه
أخ ومعين
خليك فى صالحه راعى مصالحه
لو جار عليه الزمن وجرحه
رجع له فرحه زى ما وصى
طه الامين
قاسمه فى قوتك أوعاك يفوتك
لحظة سجودك تدعى لجيرانك
إنسى خصامك أبدر سلامك
فى كل حين
با نادى دايما الله ربى وهادى قلبى
فى كل وقت وكل حين
إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم
ليست هناك تعليقات:
إرسال تعليق