الحلقة ( الخامسة والعشرون ) الاثنين
للشاعر/مصطفى فريد
مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين
نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين
داخلة السفاين. ماليه المواني والفرح باين
جاى بالأماني. إيدين بترسم أحلام عشاني
بحب ويقين
مصري العجينة. قام بالعزيمة. زرع مدينة
ورى مدينة. عمر فى سينا. طرحت رمالها
ناس طيبيين
بستان ورود. طابا الحدود. بعد السدود.
حضنت عنينا. أرض الجدود. وانضم لينا.
حنا وياسين
با نادى دايما الله ربى وهادى قلبى
فى كل وقت وكل حين
إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم
ليست هناك تعليقات:
إرسال تعليق