المسحراتى
الحلقة ( التاسعة ) السبت
للشاعر/مصطفى فريد
مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين
نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين
فوق الحدود واقفه الجنود
زى الأسود بالروح تجود
وتاريخ جدود للكون شهود
خير أجناده بضمير
في ليل نهار بعزة وفخار
بينده يادار راح ادخل في نار
أجيب انتصار ويخلق نهار
يعمي عيون المعتدين
انا ابن طينك بيروينى نيلك
وان كنت رايح حالف أجيلك
ومعايا مهرك وانا شهيدك
انا بيكي عايش مرتين
با نادى دايما الله ربى وهادى قلبى
فى كل وقت وكل حين
إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم
ليست هناك تعليقات:
إرسال تعليق