حلم جميل
************
رفرف يا قلبي كمان
وافتح جناح شوقك
شوف الحياه ألوان
والفرحه ف عروقك
نفسي ف كوخ مسحور
وقمر لقلبي يدور
ووجه نور بللور
ألقاه بيندهلي
وف قلبه يفتحلي
أدخل وأتهني
واطلب وأتمني
ألقاني ف الجنة
والبحر ف عيونك
أسبح واعوم مسافات
وانسي معاك ما فات
نبني القصور أشكال
تطرح قلوبنا آمال
وان تقلت الاحمال
برضو الصعاب هتهون
مادام حياتي فنون
هعيش وانا مجنون
ساكن ف احلي عيون
مفروشة بالأفراح
الطلة فيك صباح
وانا بين ايديك ارتاح
وان طالت الرحلة
برضو اشتياقي متاح
يا أغلي من نفسي
يانبضي يا حسي
انا ف الهوي عاشق
ومعاك ضاع بؤسي
عندك انا هرسي
عندك انا هرسي
بقلم /إبراهيم فهمي المحامي
ليست هناك تعليقات:
إرسال تعليق