علي كفي شايل روحي
وبحارب الأعداء
وبكل عزه وفخر
بكتبلك يا مصر فداء
فداكي روحي يا بلدي
يا مصر يا ام الدنيا
فداكي روحي يا بلدي
يا مصر يا أرض الولاء
بعتز بكوني فيكي
وبفخر ب الإنتماء
مرفوعه راسي في السما
وسماكي صفا ونقاء
يا مصر يا ام الدنيا
أرضك مناجم ذهب
والكل فيكي طمعان
بيجري فيكي النيل
والنيل ليكي شريان
ليكي حماة يا مصر
ومفيش فينا جبان
خير جنود الارض
وإنتي بلد الأمان
ليكي حماة يا مصر
ومفيش فينا جبان
ليكي حماة يا مصر
والله المستعان
يحميكي الله يا مصر
ويجعلك سند لأخواتك
سند لأرض العرب
في وجودك مدي حياتك
يحميكي الله يا مصر
ويوحد صفوف العرب
يحميكي الله يا مصر
وتكوني إنتي السبب
يحميكي الله يا مصر
ويرفع في العُلا شأنك
يحميكي الله يا مصر
ويحميني أنا إبنك
ياللي عشان خاطرك
علي كفي شايل روحي
وبحارب الأعداء
(((.. مصطفى دسوقي..)))
ليست هناك تعليقات:
إرسال تعليق