ونعيش حياة من تانى
..............................
رجع الحبيب وبيبكى
وگأنه مجروح يحكى
يسأل بصوت مبحوح
والنبض كله شروخ
ليه الفراق مكتوب
وبيكوى جرح قلوب
ليه الجمال مغلوب
والعشق كله ذنوب
ليه السعادة بعيدة
والفرح بقى محجوب
ليه السعادة ثوانى
والعمر كله نعانى
و العقل بقى مسلوب
قربت حبه عليها
جففت دمع عنيها
وبوست كف إيديها
وسلكت كل ضروب
عملت ليها اراجوز
غنيت دا جوز ودا لوز
ودهنت وشها روز
كان هدفى ضحكتى ليها
رسم إبتسام ف عنيها
شوفت الطفولة بتحكى
بنوتى ملكت قلبى
شوفت الدفاير فيها
حلق ملاك حواليها
دى حبيبة عشق القلب
احفظها ليا يارب
عشقى وحبيبتى وبنتى
الروح تروح لو روحتى
شمسي تغيب لو غبتى
خليكى دايما جانبي
وبلاش فراق من تانى
مع ليل طويل وبعانى
يلا اسكنى أحضانى
ونعيش حياة من تانى
..................................
تحياتى....بقلم عمر جميل
ليست هناك تعليقات:
إرسال تعليق