🐱 (بعبع الغلا)🦝
((الراتب مسكين يقول نو × الغلايجاوبو عو عوعو))
<><><><><><>><><><><><<<><><><><><<<<
ياويلي بعبع الغلا خلاني م الجوع انسلا
ويقولوا نيالك ع ايش؟! محسود وواقع بالبلا
/////////////////////////////////////////////////////////
البعبع جن،،، البعبع جن
وشن الحرب على الدراويش
واول ما اسنانو سن
هجم خلا العقول تطيش
بدو ياكلهم بكيوا ماحن
لو مهما قالولو أتهدى وهيش
((حكم عليهن يعيشوا تدفيش))
///////////////////////////////////////////////////////////
قال للحمه روحي قوام
اوعي تزوري بيوتن يوم
والزيت والسمنه مافي كلام
ممنوع يشوفوهن ولو بالنوم
لازم يعيشوا ع مص عضام
ولو حلموا بعيشة الخمس نجوم
(( يكون الحلم اكيد فشافيش))
///////////////////////////////////////////////////////////
يابعبع أفندي الراتب قليل
بفضلك والله يضيع مايبان
ركد كتير ت صار ملهوف
ولسه بيركض آه يازمان
نمر بيركض ورا خاروف
قدرو هادا ماهو جبان
((من خوفو المسكين عقلو بيطيش))
//////////////////////////////////////////////////////////
ياأهل الفهم عطوني الحل
كرامه لالله بسرعه قوام
من جوعي ياعالم عقلي انشل
بالله عليكم ماهو حرام
ردوا وقالوا لو هيك بتضل
ع طول يامسكين تكون منضام
((تصاحب الآه ومعها تعيش))
///////////////////////////////////////////////////////////
رح نوصفلك تاكل صبر
وتسحب ورد ع طول بتهون
ولو يزيد عليك القهر
معذور لو يصيبك جنون
وخلي أملك نزول القبر
جوره حلوه مكان مأمون
(( ام حنونه على الدراويش))
//////////////////////////////////////////////////////////
آه يادنيا جيتك ليش
مالقيت فيكي الا هموم
اكلي ذل ولبسي خيش
وف بحر بلاوي عما بعوم
القهرمحاصرني اكبر جيش
ما بسمعو الا يصيح هجوم
(( ياريتني كنت خلقت كديش))
//////////////////////////////////////////////////////////
الكديش محسودحياتو أفراح
لاهم لاغم ولاحتى عذاب
معزوز من صاحبو وين ماراح
طلبو أمر ع طول مجاب
ماشي بدربو ع طول سواح
ياعيني عليه شو شيخ شباب
(( معليفو ع طول مليان حشيش))
//////////////////////////////////////////////////////////
شعر ؛ d,, نذيردهان
ليست هناك تعليقات:
إرسال تعليق