دنيا عجيبة وناس غريبة وشغل سيما ومهرجان
فيها اللي صافي وفيها اللي جافي وفيها اللي مصلوب ف الميدان
فيها اللي عايش ع الحدود
فيها اللي مرمي ف السدود
فيها اللي ساكن بطن دود
ولازال مُهان
فيها اللي باع من غير تمن
فيها اللي خان وبيُئتمن
فيها اللي مقهور م الزمن
والصولجان
آه يا بشر
مليان عِبَر
جوّه ف وريدك بحر شر
وبتدّعي إنك ملاك
وانت ف حقيقتك روح شيطان
فاكر الأمان بس الحيطان ؟
آهو حتى هدّولنا الحيطان
مبقاش يفيد قفل البيبان
جايلك أوان
لازم تحدّد سكّتك قبل الطوفان
يا تموت وغارس ضحكتك تطرح أمل
يا تموت جبان #
ليست هناك تعليقات:
إرسال تعليق