تم النشر بواسطة / إبراهيم فهمى
ما فيش حاجة :-
=========
وليه تايهه
ومش عرفة ولا حاجة
ما أنا جنبك
وروحي ليك محتاجة
ولو جيتى
سألتينى على حالي
هتلقى الرد من قلبي
ما فيش حاجة
ما أنا كاتم فى قلبي
المر وزيادة
ومن خوفي ليوصلك
بقت عادة
ولو سألتى 100 مرة
هقول بردة ما فيش حاجة
عشان حبيت عنيكي السود
ولو غابت أقول أمتي
يا روحى تعود
ولون الفل في جبينك
وسحر البان في عودك
وريحة الورد فى خدودك
بتسحرنى
وتسكرني
وبنسى العرف والمعهود
ما أنا بيني وبين قلبك
ما عادش حدود
ومن غيرك يا روح قلبي
ما لهش وجود
ما أنا دمى فى شريانك
وروحي بتسري فى كيانك
وعايش عمر على شانك
ولو جيتى سألتينى على حالي
هتلقي الرد من تانى
ما فيش حاجة
برغم القسوة من قلبك
برغم المر في بعادك
ورغم الظلم وعنادك
أنا واقف على بابك
أرد بروحي حسادك
وأفديكى يا روح قلبي
ولو برده سألتينى على حالي
هتلقي الرد من تانى
ما فيش حاجة
برغم البعد والحرمان
روحي لحبي محتاجة
ما فيش حاجة
ما فيش حاجة
بقلمي ،،
على مصطفي ،،،
18/12/2014 م
أشكرك شاعرنا الكبير / أبراهيم فهمى ..على تشريفك وثقتك في حرفي ونشرة بالجريدة الألكترونية جريدة الإبداع . وأتقدم من خلالك بالشكر أيضاً لك الزملاء القائمين معك فى العمل بهذا الصرح الأدبي الكبير داعيأ الله لكم جميعاً بالتوفيق وان يكلل جهودكم بالنجاح وان يثبكم بالخير على ما تقومون بة من نشر للشقافة والأدب والحرف الرقي لإثراء الحياة الثقافية لشعوبنا دامكم الله وسدد على طريق الخير خطاكم تحياتى ومحبتى وتقديري لكم جميعاً
ردحذف