تم النشر بواسطة / إبراهيم فهمى
سلسلة مشاكل المرأة ****-4-*******الغــــــــــــربة *********
.......................................................................................................
احم احم هنكلم....................موضوع كتير بيألم
غربة انسان .............................ومنه هنتعلم
مسك تلفونه
............وقال...................
كيفك ياام العيال
قالت..........
طبعا اكيد مش عال
لوحدى راجل وست
خلاص مش قدرة اسكت
قال.......................
مالك يا ست الحسن
قالت..................
ست الحسن دبلت
وبنتك خلاص اتهبلت
بتحب استاذ ليها
وانا من خوفى عليها .
فضلت اضرب فيها
والواد كمان اتغير
حاله غريب بيحير
اقله مالك ميردش
ع البيت مش قادرة اسيطر
قال.......................
ازاى وانتى فين
قالت...........
اوعى تقولى انتى
سبنى كمان فغلبى
قال.................
وانتى كمان مالك
احكيلى ايه الجرالك
قالت..................
ليلى حضنة مخدتى
خدى انكوى من دمعتى
بحلم اكون بين ايديك
نفسى تروى وردتى
بعت شوقى مع النجوم
والقمر شكى للغيوم
حزين لحالى ووحدتى
قال....................
حاسس بيكى ومقدر
هو انتى فكرانى حجر
ليالى فيكى بفكر مشتقالك
ماانا زيك بشر
بس اعمل ايه دى قسمتى
محروم الحياة فى غربتى
قالت......................
غربتك ؟. هو انا طلبت البعاد
وجى تحاسبنى ع الولاد
انت هناك تجمع فلوس
ونسيت هنا سوء النفوس
فى نظرة عينهم النقوص
واقلك ارجع متحسنيش
ارحم بقى غيرك مليش
قال..................
هو انتى فكرانى فهنا
محبوس انا جوة الشرنقة
سافرت علشان الفلوس -
---علشان بفرحتكم افوز
لكن انا حظى كدة
فراقى عنكم مشنقة
قالت.........
طب كفاية وارجع بقى
لقمة فول تلمنا
ايوة راجع جمبكم
اللمة تحلى فحضنكم
قالت......مستنياك
قال ....راجع حببتى
قالت......مستنياك
قال ....راجع حببتى
>>>>>>>>>>>>>
شاعرة النيل .........امل فرج
شاعرة النيل .........امل فرج
ليست هناك تعليقات:
إرسال تعليق