مالك كده
مالك كده قلبك علي قاسي
مين شاغلك كده عني يا ناسي
ليه سايبني وحدي منسية بأقاسي
رغم كده بأحبك وزعلك فوق راسي
مالك كده
قصدك يعني تشوف غلاوتك
بعدك لوعني وألا دي شقاوتك
ليه تزعلني وإنت عارف إني بحبك
ولا في قبلك و لا هييجي بعدك
مالك كده
أجمل من بسمتك مالقيت
ولهفة نظرتك منها ياما جريت
حن علي بقي دا أنا بعدك شقيت
ولقيت حبك جوايا و دريت
مالك كده
ياما حلفت إنك علي طول ليه
وزرعت لي جوه قلبك جناين مروية
وبنيت لي قصور وأحلام وردية
وغرست حبك في قلبي و عينية
مالك كده
ليست هناك تعليقات:
إرسال تعليق