المصرى اليوم عامل كاتــــــب
وبيفهم ملايين بيخاطــــــــــب
كل اللى يهمه حياخد كــــــام
مش همه الناس همّه الراتب !
عجبى !!!
المصرى اليوم أولى حضانــــه
والناس قرفانه وزهقانــــــــــه
ودروس خصوصيه وليه وازاى ؟
أكتر من كده شفتوا مهانــــه؟
عجبى !!!!
المصرى اليوم أصبح نائــــــب
لا حساب لا عتاب ولا متراقب
والثروه دى زادت وحصانـــــــه
وضمير المجلس فين ؟ غائب !
عجبى !!!
المصرى اليوم قال ف الإعلام
لقى ناس بتاجر ف الأوهــام
وكلام بيخلّف إيه تفاهــــــات
تتحوّل ف الآخر أفــــــــــــلام !
عجبى !!!
طلعت سالم
ليست هناك تعليقات:
إرسال تعليق