رباعيــــــــــــــــــات
،،،،،،،،،،،،،،،،،،،،،،،،
القلم قال للورق حاشعبك تجــريح
الناس تلعن فيك تطوحك ف الــريح
أصل أنا زيك بجد مغلوب على أمري
الجاهل والسفيه العقل زي الصفيح
وعجبي
محمد فتحي
22/2/2015
،،،،،،،،،،،،،،،،،،،،،،،،،،،،،،،،،،،،،
ساعات الدنيا ترقص وتغني مهرجانات
وساعات تقل بأصلها وتغير المقامات
الواطي يبقى فوق والعالي بتدوسه
ولو عملت شاطر استحمل الحفلات
وعجبي
محمد فتحي عبد الغني
22/2/2015
،،،،،،،،،،،،،،،،،،،،،،،،،،،،،،،،،،،
مجنون عمل عاقل واتكلم ف السياسة
وعجبه كلامه قوي سجله ف كراســة
وقال أعمل كتاب والناس راح تشــتريه
صحي م النوم لقي نفسه ف حراسة
وعجبي
محمد فتحي عبد الغني
22/2/2015
،،،،،،،،،،،،،،،،،،،،،،،،،،،،،،،،،
اشرب يافقري من كيعانك وارتوي
ولما تحس بالغلابة اتكوم وارتمي
أصلك بنعمة ربنا بتـــــذل وتتعايق
فاكرها دايمة يافالح بتبيع وتشتري
وعجبي
محمد فتحي عبد الغني
22/2/2015
،،،،،،،،،،،،،،،،،،،،،،،،،،،،،،،،،،،،،
البنت لابسة بنطلون وماشية بتترقص
ولاهممها البشر ولا عيــــون بتتلصص
وف لحظة ترقع صــوت بيتحرشــوا بيه
ماهو الغلط علي الزلط حكايتك بتتلخص
وعجبي
محمد فتحي عبد الغني
22/2/2015
ليست هناك تعليقات:
إرسال تعليق