إتبسّمى ..
ما تعيطيش إتبسّمــــــــى
ومن الآلام شدّى الحــزام
واتعلمى .. إن الجــــــــراح
سر النجاح .. تتقدّمـــــــى
واتعلّمى إمتى الســــكوت
يصبح سهام واتكلّمـــــــى
لكن كلامك طيّريـــــــــــــه
خليه حمام وما تحسبيش
ولا تندمى على أى شىء
ضاع ف الطريق
واياكى يوم تتـــــــألّمــــى
خلّى حياتك دى تكـــــــون
حبّات أمــــــل
وف خيط إيمانك تمسكيها
وتلضمـــــــى
وما تحمليش هم الحيــــاه
لو حتى كانت ألف آاااااااااه
وف عز أيام الألم
ربّك حيبعت ما تخافيـــــش
كام طوق نجاه ما تقدّريش
أكتر ما كنتى بتحلمـــــــى
بس المهم تفوّضى
أمرك إليه وتسلّمى
ما تعيطيش إتبسّمـــــــــى
وبحب طاهر إحلمـــــــــــى
واتعلّمى واتكلّمـــــــــــــى
واياكى يوم تتألّمــــــــــــى
بس المهم تفوّضــــــى
أمرك إليه وتسلّمـــــى
إتبسّمى وما تيأسيش
لأ صمّمى إنك تدوسى
ع اللى راح ما يهمكيـــــش
حتلاقى عز الليل صبــــــاح
ما بينتهيش...... إتبسّمــى
إتبسّمى ... إتبسّمــــى ....
شعر : طلعت سالم
ليست هناك تعليقات:
إرسال تعليق