هتصدقي لو قولت لك بقلم الشاعر خالد الكردي

هتصدقي
هتصدقي لو قولت لك
اني من غيرك هاعيش
بعد اللي شوفته م الجراح
بقت الجراح ماتهزنيش
عودت عيني ع الفرح
بقت الدموع ماتهمنيش
لومره عقلي كان سرح
هانساكي وانتي ماتساويش
انا كنت باعشق ضحكتك
رغم اني توهت ف سكتك
صدقت مره دمعتك
وناديت كتير مابتسمعيش
ولقيتني غرقان ف الدموع
وقلبي رافض للخضوع
لوكنتي تتمني الرجوع
ياريت بلاش ماتفكريش
من غيرك انا باقدر اعيش
هتصدقي
كلمات
خالد الكردي