طبع البشر بقلم الشاعرة ابتسام عوض حسن

طبع البشر
حواديت الدنيا حواديت
وطبع البشر
طارح عناقيد
اللى بيحلم
برغيف عيش
نايم صاحى
يدعى الدايم
وبكره مفيش
اللى بيحلم
بالمليون
كام عربية
ويهد الكون
واحد عايش
بيلف الدنيا
بالطول والعرض
بس فى حياته
ما ضحك من القلب
وواحد عايش
ما خرجشى
من هاذى الأرض
بس بيضحك ضحكة
من القلب
ناس مخدوعة طول العمر
ناس موجوعة
شاربة المر
فيه عايشين فى أحلامهم
فيه عايشين لأوهامهم
اللى اتحرم من
الإحساس
اللى إتكوى
من ظلم الناس
ناس وحيدة
وسط القرايب
ناس حبيبة لكل الحبايب
اللى ما يعرف غير نفسه
واللى إحساسه
سبب أسفه
متلونين
متغيرين
وقلوبنا فين
وقلوبنا مين
شايلين هموم
أو مرتاحين
كله يكون
طبع البشر
بقلم ابتسام عوض حسن الشاعرة المجهولة