اوعى تفكر يوم تشغلنى بقلم الشاعر رمضان علي

اوعى تفكر يوم تشغلنى
ولا تفكر ان الغيرة عليك تقتلنى
اوعى تغكر
انا درس الهجر ذاكرت حروفه
وقلبى خلاص خرج من خوفه
انت اكيد استاذى فى هجرك
دى منطقتك وانا بشهدلك
ياما خففت كتير من همك
لكن ياخسارة الغدر فى دمك
انا حبيتك ايوه صحيح--------
وانا كالعادة فى حبى
صريح
انا لا بخبى فى يوم ولا ادارى
اكيد بعلنها لغيرى واصيح
انا ما اعرفش ادارى عالشمعة
بس اكيد بخبى الدمعة
هى النعمة ياناس تدارى
ايوة دا حبك اكبر نعمة
لما كنت شغوف على شوفى
وفى حبك خالص فى الذمة
قبل ماتنسى بالاسم حروفى
-وتسكن غيرى فى القمة
يبقى بلاش تسرح بخيالك
-وتفكر انا بيك مشغول
ولا تفكر يوم راح اجيلك
واقف قدامك وأقول
------انى بحبك------
ولا تفكر يوم تشغلنى
ولا تفكر ان الغيرة عليك تقتلنى
----------اوعى تغكر----------
-----------رمضان على----------