كلمة من بين شفايفك شفتها متسحبة
خارجة وبتعافر
لمت حروفها ف حضنها
رسمت طريق من نفسها لنفسها
عشمانة قلبي يرتاح لها
ويقول لها
من زمان نفسي اسمعك
ايه يمنعك
محتاحة حد يشجعك
ولا الظنون بترجعك
ايه ينفعك
لو سجنتي الحب جواكي
ويموت هواكي ف مخدعك
ويكون لقانا مستحيل
ميت الف ميل بتبعدك
دنا بحسدك
انك كسرتي جدار الصمت
ومديتي الايادي
بعد ما كنت سنين بنادي
بصوت مخنوق
بيكون صداه جوايا بس
قلبي ده والله حس
انك بلاده
ويوم ميلاده
يحضنك
ليست هناك تعليقات:
إرسال تعليق