الدنيا فيها اللي مافيها بقلم محمد فتحي عبد الغني

الدنيا فيها اللي مافيها
،،،،،،،،،،،،،،،،،،،،،،،،،،
الدنيا فيها اللي مافيها
فيها كدب وخوف
فيها كل واحد مخليها
مسرح بيطوف
ولاحد راضي يحليها
يتحدى ظروف
وآهي ماشيه وعديها
واعشقها تلوف
،،،،،،،،،،،،،،،،،،،،،،،،،،
الناس وشوشهم سبورة
تقراها تخاف
ماشيين ف عز الشبورة
والعيشة الحاف
وفيها غيرهم عسولة
بتعيش بآلاف
وفيها مايبلش الفوله
وملاها خلاف
وآهي ماشيه وعديها
وأعشقها تلوف
،،،،،،،،،،،،،،،،،،،،،،،،،،،
أرزاق مقسومة بتكفي
واحد وكتير
وعجبي طماع بيعبي
وملاها قناطير
ف الآخر سبها بتهني
واحد م الغير
عاشها ببساطة بالبلدي
لقى نفسه أمير
وآهي ماشيه وعديها
وأعشقها تلوف
،،،،،،،،،،،،،،،،،،،،،،،،،،،،
كلمات:

محمد فتحي عبد الغني
الخميس