(((رسالة))). بقلم الاستاذ العظيم / محمد نبيل محمود

((( رسالة )))
=======
ابنى...الحبيب
البعيد والقريب
اوعى تفكر انى ح اسيبك
لو تجـرحنى....
ولا لسانى يطلع عيبـــــك
لو تفضحنى...
انا متصانة..وخايفة علـيك
خلى ايديا..تحضنها ايديك
انتا حبيبى..وانا حــــبيبك
ف كل اوراقك..شايل اسمى
وكمان لونك..من لونى
جوه عيونك..صورتى ورسمى
وانتا الكحل ف عيونى
لو غـــــربت
الاقيك قربت
خوفك عليا..ف ثانية يجيبك
دمك يا ابنى مية نيلى
وسكنت جسمك شمسى الدافية
دايما شامخ زى نخيلى
تحت سمـــــايا الزرقا الصــــــــافية
احضن ارضـــك
محتاجة فاسك
دور ترســـــــك
ارفع راســــــك
ابنى..على كمان ف مبــــانى
ضحكة قلبك يا ابنى وحشانى
وانا وياك..عمرى ما اسيبك
(( الراسل ))
امك بهية..الصابرة القوية
محمد نبيل محمود