أحلف برب الكون .بقلم الشاعر المبدع / كرم شحات

......... أحلف برب الكون ...........

أحلف برب الكون
العمر كله يهون
بس إنتى ألاقيكى
من غير ألم وعذاب
أو صوت لئيم كداب
محتل أراضيكى

راح فين عمر راح فين
وفين صلاح الدين
القدس ضاع والناس
تايهين ومش حاسين

لكن أنا الموجود
أنا إبن عربى حزين
ع القدس والإسلام
وناس كتير غافلين

ح أكتب بدمى نشيد
وبروحى هأبقى شهيد
يمكن أصحى الناس
ونعود لنصر جديد

والمولا لتعودى
ياقدس لحدودى
ياقدس يا أم الخير
هتعودى هتعودى