(((( يامحسنه))))بقلم الاستاذ/محمود ناصر

(((( يامحسنه))))
يامحسنه
يا ارق زهره ف حيينا
ياطيبه ياحنينه
خايفه علينا كلنا
ومضلله
شايفين مكانا جوه قلبك
ساكنين عيونك
مكان قعاد المكحله
يا ستنا
غاليه علينا كلنا
واكمننا
شيطانا اقوى مننا
ضلينا سكة ربنا
اتلخبطط كل حسابات
المسأله
القصه فيها معضله
ازاى تكون المرجله
بايد حديد
وللا برغى وهرتله
وللا بلسان
محتاج لجام مع سلسله
اصبرى يا ستنا
الطبع فينا كلنا
ميراث جدودنا من زمن
كانوا بردو ناس مستعجله

طب عارفه ايه المشكله
ان الدواير كلها
متحجمه متقفله
عاوزين مهندس
يرسمك ويخططك
بالمسطره والمنقله
عاوزين عقول
متفتحه متنوره
عاوزين قلوب
متكونش قاسيه محجره
يتجمعوا مع بعضهم
تزيد ما بينهم الصله
ودا اصل اصل المسأله
وحل حل المعضله
يا محسنه
--------------------------------------
محمود ناصر