بنت ناس بقلم صلاح الصغير

صلاح الصغير

بنت ناس
=-=-=-=
بيقولوا لسى صغيره
بتنام وف حضنها الدبدوب
وضفاير شعرها قصيره
لا ليها عاشق ولا محبوب
------------------------
لا ليها فى الخروج والمنظره
ولاتعرف حتى فى همس القلوب
رقيقه زى النسمه المعطره
كلامها تسمعه بالعدد محسوب
--------------------------
اناعارف الكلمات المتسطره
عشان كده انا فيها بدوب
واعرف اكتر من كده بمقدره
ماأنا قلبى سبنى وراح لها مسلوب
-------------------------------
وفى حاجات عنهم متأخره
انا بالنسبه ليا قدر ومكتوب
حبيبة روحى وحياتى منوره
ماهى قسمتى من رب الغيوب
=-=-=-=-=-=-=-=-=-
قاعده فى بيتهابعفتها متستره
مش من هواة اللف فى الدروب
جميله مأدبه وحتة سكره
مش رهان للغالب والمغلوب
=-=-=-=-=-=-=-==
تربيه ابوها الله يستره
مابين الناس محترم حبوب
وامها فى تربيتها متشطره
وانا اختارت ومافيش عيوب
=-=-=-=-=-=-=-=-=-
وخطوبتنا ان شاء الله متصوره
والدعوه عامه لكل الجروب
ويكون لى الشرف والمفخره
وبالنيابه عن حبيبتى انا المندوب
=-=-=-=-=-=-=-=-=-=
ابو الصلح