(الجلسه سريه)بقلم الاستاذ/محمود ناصر

(الجلسه سريه)
بتشكينى لقاضى العشق؟
ياعمرى ياكل ما ليا
وبتقولى فى شكواكى
معدش ف قلبه حنيه
انا راضى بكل القول
انا موافق لكن ليه
شروط لجل احضر الجلسه
طبعا بتقولى ايه هي؟

قاضينا يبقى قاضى غرام
وروحه بعشق مكويه
محامى عاش سنين فى هيام
وعاشق للمﻻغيه
شهود الجلسه من عندى ومن عندك
شهود واحده مافيها خﻻف
انا شهودى تقول الحق
ﻻيوم تكدب وﻻ بتخاف
انا شهودى نجوم الليل
ودمعة عينى والننى
انا شهودى انين مواويل
وسومه وهى بتغنى
ويشهدلى القمر فى سماه
ليلاتى وانا سهران وياه
ويشهدلى شعاع الفجر
بيسمعنى باقول اﻵه
وتشهدلى دموع عنيا ف غيابك
وتشهدلى ساعات واقف قصاد بابك
وتشهدلى طيور الدنيا والعصافير
وتشهدلى اغانى منير
وتشهدلى صوابعى
وهى شابكه فى صوابعك
ويشهدلى اكيد صبرى
على طبعك
وتشهدلى كل بﻻطه فى الكورنيش
وانا مستنى لقياكى وﻻ بتجيش
ويشهدلى جميع الكون
انى انا عاشق مجنون
ايه قولك يامالكه الروح
ياضى النور ف عنيا
بﻻش للقاضى احنا نروح
ونعمل قاعده عرفيه
مابين عينى وبين عينك
وبين قلبى وبين قلبك
وتبقى قلوبنا مرضيه
مضيعيش حب السنين
فى الفضا
واذا كان ﻻبد من القضا
نخلى الجلسه سريه
-------------------------------------
محمود ناصر