.
موسى كامل موسي.
وسافرت ييجى ميت بلد...وكتب بإديا الحروف
وهجرت اهلى والولد......ورضيت بزلى فى الصفوف
علشان انول لقمه ذبد.....فالقتنى مرمى ع الرفوف
ياخساره العمر اللى فات ياغربتى
ياخساره الحلم اللى مات على شنطتى
مابقتش عارف وجهتى
وسنين بدور ع النهايه لقصتى
من ناحيتى
مش لاقى ضى ف دنيتى
ماشى ف طريقى وسكتى
وحايلت فيك علشان تعدى محنتى
وما نابنى منك ياوطن غير الاهانه والكفوف....
وكانى مش ابن البلد
وﻻ بتعاملنى كاالضيوف...
بتشوفنى بس ف مستند
بالنسبه ليك حبه ورق من بين ألووف....
انا العامل انا المسكين انا الشقيان
انا الشايل على كتفى همومك شيل
فرضت عليا ليه الحرمان
برغم الحب ياوطنى سايبنى عليل
وصبح وليل...وضلمه ونور
باشوفنى غريق فى وسط بحور
ومستنى حياتى تدور
واقول يمكن يكون مسطور
واكيد هايبان
والاقى حنان
الاقى امان
اعيش جوه الوطن انسان
وجايز يبقى ليه مكان...وحلمى اعيش بقيت عمرى مش مأجور...
افتح دراعك ضمنى مابقتش قادر ع البعاد
انا من ولادك هاتلاقينى ان قلت حى على الجهاد
انا برضه ابنك ياوطن
ماتخلينيش سلعه ف مزاد
مادد جوازى للبلاد
مختوم ببصامه عناد
مليان وجع من غربتى...خليك ياوطنى غيتى
وﻻ تسقى عرقى للعباد...
خلينى ليك واحفظنى من علو الجروف
امسك اديا وشدنى احسن ما الوف
على حد غيرك وانتهى
فا ياريت تشوفنى يا وطن من غير كسوووف
............بقلم الشاعر موسى كامل موسي
ليست هناك تعليقات:
إرسال تعليق