ممكن تتغير الأحوال .... بقلم الشاعر/ أشرف أيوب

                          ممكن تتغير الاحوال..

تسمحولي اسالكم بس سؤال..

ليه الدنيا غداره

ليه بتزيد فيها الاحمال..

ليه مراكبنا محتاره

بين احلامنا وشط امان..

وليه دايما شراع قلوبنا

مكسوره من الاحزان..

وحتي نسينا نفسنا 

واصبحنا في خبر كان..

بقت دنيتنا شايلانا

تمرجح فينا يمين وشمال..

وف لقمة العيش بنلفلف

ويتغربل عمرنا ف الغربال..

سنين بتقع مننا 

ومش حاسين بعمرنا..

واما بنضحك

بتطلع الضحكه علي نفسنا..

ويا ريتها يا خلق

بتطلع من قلبنا..

فيه حد هيجاوب

علي السؤال..

ولا خلاص

عجباكم الاحوال..

وبقيتم تقولوا

ده كان زمان ..

ايام ما كنا نعرف

يعني ايه انسان..

بقلم..

اشرف ايوب