,,,,,,, محنه وكله بان فيها ,,,,,, شعر عامى حر ,,,, عبدالواحد محمد
المحن بيبان فيها الجدع
وجوه كتيره كنت فيها بنخدع
قالو أخونا وأنتى أبونا وعمنا
وأنتى دنيتنا الكبيره والجدع
ولما مال بيا الزمان يدوب يومين
قالو ليه منعطلكش وركبو موجه الرحيل
كل واحد منهم وضح وبان
بالتمام وجه ظاهر بس كان عليه غشاوه
ولما زالت بقيت بعامله بحتقار
كنت فين يارفيق زمانى وسكتى
يامؤنسى فالليالى ووحدتى
كنت بير أسرارى وكنت الكتوم
كنت أرمى عليك مشاكلى والهموم
كنت أبيع العمر فدوه للعيون
لما تغيب عينى لفتره كانت عيونى
تحلف وتعند مايجيها نوم
ولما مره حسيت بأنك بيك وجع
قولت بدالك ألف أه والمراره قسمتها
وياك ياخلى وكنت شايفها فالجفون
أه ألف حسره عليك ياصاحب
يالى بعت رفيق زمانك لما وصلت
ولبست بدله وركبت سياره وفتنت
وليك شيكات وحساب جارى فالبنوك
كل ده جبته منين وأنا اللى رفعك للسحاب
وبأيدى كنت أحمل حمولك والصعاب
كتفى مال من الثقيله وظهرى أنحى
وكنت بدالك وأنا اللى بصرف على العيال
عارف ولادك كانت يندونى بأحلى أسم
بابا تفتكتر يارفيق زمانى البسمه فى وجه وجه الصغار
بس ليه أنا بلومك على اللى كان
العيب ده عيبى علشان أسأت الأختيار
النهايه الله يسامحك ياللى كنت فيوم صديقى
بس باعنى وليه خان
,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
ليست هناك تعليقات:
إرسال تعليق